Við vorum að uppfæra upplýsingar um veiðihúsið, en húsið sem sett var upp í fyrra er rúmbetra en það fyrra auk þess sem það er ísskápur sem er til mikilla bóta. Við ætluðum okkur að klæða húsið að utan nú í vor og skipta um glugga og hurðir svo það standist vetrarveðrið. Búið er að kaupa efnið en tafir hafa orðið á afhendingu þess sem er vegna stríðsins í Úkraínu, að því sem okkur er sagt.
Við settum einnig upp ný skilti við ánna og vatnið nú í vor. Veiðistaðirnir eru merktir með númerum sem byrja við ósa neðri árinnar. Þá eru komin greinarbetri skilti til að aðgreina árnar og Vatnsdalsvatnið svo það fari ekki á milli mála hvar mörkin eru.
Góða skemmtun í sumar!