Vatnsdalsá og Vatnsdalsvatn er lax- og silungsveiðisvæði á sunnanverðum Vestfjörðum sem er í miðju friðlandi í Vatnsfjarðar. Fluga og net ehf er veiðiréttarhafi á svæðinu en félagið er í eigu ábúenda á Brjánslæk og Seftjörn. Selt er í ánna í heilum hollum og leyfilegt er að veiða á tvær stangir samtímis. Meðalveiði síðustu ár er einn lax á dag á stöng og talsvert meira af bleikju.